«Այդ հայտարարության հետ կապված դուք գիտեք, որ ՀՔԾ-ում հարուցվել է քրեական գործ և այդ գործի շրջանակներում իրականացվում է նախաքննություն: Ելնելով այդ հանգամանքից՝ և նախաքննության գաղտնիքը չբացահայտելու և չխախտելու նպատակով, ես չեմ կարող որևէ մեկնաբանություն տալ այս գործի հետ կապված»,- դուրս գալով ՀՔԾ-ից՝ ասաց ԱԱԾ նախկին տնօրեն Արթուր Վանեցյանը՝ պատասխանելով լրագրողի հետևյալ հարցին, թե արդյոք հանդիպե՞լ է Վատիկանում ՀՀ նախկին դեսպան, ՀՀ երրորդ նախագահի փեսա Միքայել Մինասյանի հետ և առաջարկ եղե՞լ է իր կողմից:
Դիտարկմանը՝ այսինքն Դուք չե՞ք հերքում, Վանեցյանն արձագանքեց. «Ես ոչ հերքում եմ, ոչ չեմ հերքում, չեմ մեկնաբանում»:
Հարցին՝ Դուք տևական ժամանակ ԱԱԾ տնօրեն եք եղել, այս ընթացքում հանգամանքներ կան, որոնք ենթադրություն են տալիս, որ պետք է Մինասյանը պատասխանատվության ենթարկվի, վերջինը պատասխանեց. «Ես բազմիցս ասել եմ, որ ԱԱԾ տնօրեն աշխատած ժամանակահատվածի տվյալները երբեք չեմ հրապարակելու»:
Մանրամասները՝ տեսանյութում: