Սաուդյան Արաբիայի գլխավորությամբ գործող արաբական կոալիցիայի օդային հարվածների հետևանքով Եմենում առնվազն 35 մարդ է սպանվել: Այս մասին հայտնում է Al Mayadeen հեռուստաալիքը:
Ավիահարվածներն իրականացվել են մայրաքաղաք Սանայի հյուսիսային հատվածում: «Սինհուա» լրատվականն իր հերթին հայտնում է, որ օդային հարվածի թիրախ է դարձել հյուրանոց:
Reuters-ը հաղորդում է 13 վիրավորի մասին:
Եմենում կառավարական ուժերի և հուսիթ ապստամբների միջև հակամարտությունը շարունակվում է 2014-ից: Երկրի իշխանությանը 2015-ի մարտից աջակցում է արաբական կոալիցիան՝ Սաուդյան Արաբիայի ղեկավարությամբ: