Իրադարձություններ

«Հայփոստ» ՓԲԸ-ի Հրազդանի մասնաճյուղի աշխատակիցներից այսօր MAMUL.am-ի թղթակիցը տեղեկացավ, որ մասնաճյուղը լուծարվել է. «Մեր մասնաճյուղը լուծարվեց, քանի որ դա անխուսափելի էր, սակայն «Հայփոստը» յուրաքանչյուրիս առաջարկեց աշխատանք` տարբեր բաժանմունքներում. կարելի է ասել` տեղավորվել ենք»,- հայտնեցին աշխատակիցները: Նրանց խոսքով աշխատավարձերը նույն է մնացել` ինչպես աշխատել էին նվազագույնով, այնպես էլ հիմա են աշխատում. «Կարևորը չկորցրեցինք աշխատանքը կամ ստիպված չեղանք այլ վայր տեղափոխվել»,- գոհունակությամբ ասացին նրանք:
     Հիշեցնեք` մոտ մեկուկես ամիս առաջ «Հրազդան» մասնաճյուղի աշխատակիցներն ահազանգել էին, որ իրենց մասնաճյուղը լուծարվելու է և միացվելու Սևանի մասնաճյուղին, ինչի արդյունքում «Հայփոստի» 14 աշխատակիցներ դառնալու էին գործազուրկ: Նրանք դեմ էին այդ որոշմանը և պատրաստ էին դիմելու ծայրահեղ քայլերի: Հոկտեմբերի 28-ին պետք է տեղի ունենար նրանց երկրորդ գործադուլը: