Զենքի կեսը, որն ԱՄՆ գլխավորած միջազգային հակաահաբեկչական կոալիցիան օդից գցում է Սիրիայի տարածքի վրա, ընկնում է ԴԱԻՇ ահաբեկչական կազմակերպության զինյալների ձեռքը, հայտարարել է Թուրքիայի նախագահ Ռեջեփ Էրդողանը:
«Ահաբեկչության դեմ պայքարի հարցն առաջին հերթին պետք է ուղղել Արևմուտքին: Իսկ հիմա ԴԱԻՇ-ի դեմ պայքարում ենք մենք: ԱՄՆ-ը պարբերաբար աջակցություն է ցուցաբերում օդից, բայց, դժբախտաբար, ԴԱԻՇ-ի ձեռքում մենք արևմտյան արտադրության զենք ենք տեսնում: Իհարկե, նրանք չեն ասում, որ աջակցում են ԴԱԻՇ-ին, բայց մենք տեսնում ենք, որ իրենց կողմից ինքնաթիռներից նետված զենքի կեսն ընկնում է սիրիական քրդերի ձեռքը, մյուս կեսը՝ ԴԱԻՇ-ին»,-ասել է Էրդողանը Իսրայելական երկրորդ հեռուստաալիքին տված հարցազրույցում: