Դորտմունդի «Բորուսիա»-ի գլխավոր մարզիչ Թոմաս Տուխելը խոսել է «Հանովեր»-ի դեմ երեկ կայացած խաղի մասին։
«Շատ դժվար օր էր «Բորուսիա»-ի համար: Հանդիպման առաջին 15-20 րոպեներին մեծ առավելություն ունեինք, տիրում էինք գնդակին։ Սակայն հետո մեր խաղը սկսեց չստացվել: Մենք շատ ավելի լավ կարող ենք խաղալ: Բարեբախտաբար, Մխիթարյանը հիանալի կերպով ավարտեց թիմի հակագրոհը: Նա ճիշտ որոշում կայացրեց և գերազանց հարվածով խփեց հաղթական գոլը»,- նշել է Տուխելը: