UFC-ի նոր չեմպիոնուհի Հոլի Հոլմը, ով սենսացիոն պարտության մատնեց աշխարհի ամենաուժեղ կին Ռոնդա Ռոուզիին, օրինաչափ է համարում իր հաղթանակը։ «Ռոնդայի հետ 10 մենամարտերից 10-ն էլ կհաղթեմ։ Քանի որ, եթե ես ասեմ, որ այդ մենամարտերից գոնե մեկում կարող եմ պարտություն կրել, կընդունեմ իմ թուլությունը։ Գիտեմ, որ ինձ էլ կարելի է հաղթել, այդ պատճառով երկու անգամ ավելի քրտնաջան եմ մարզվելու։ Ռոնդան դեռ կվերադառնա։ Նրան զայրացնում է, որ չեմպիոնական գոտին այլևս իրեն չէ պատկանում։ Ես պետք է երկու անգամ ավելի պատրաստված լինեմ։
Հիշեցնենք, որ անցած շաբաթ Հոլմը, մենամարտի 2-րդ ռաունդում, նոկաուտի է ենթարկել Ռոուզիին։