Այս գնդիկավոր գրիչները ծանոթ են բոլորին, սակայն շատ քչերին է հետաքրքրել, թե իրականում ինչի է պետք գրիչի փակիչի վրայի անցքը:
1991 թվականին «BIC» ընկերությունն աշխարհին ներկայացրել է նոր դիզայներական լուծում, որը մեծամասնության կողմից մնաց լիովին աննկատ: Խոսքը գրիչի փակիչի գագաթին արված փոքրիկ անցքի մասին է:
Սակայն այդ փոքրիկ հնարքն արդեն հարյուրավոր երեխաների կյանքեր է փրկել և դեռ կփրկի, քանի որ երեխաները հակում ունեն մանր առարկաները տանել բերանն ու կուլ տալ: Իսկ շնչափողում հայտնված փակիչի ետևի փոքրիկ անցքը հնարավորություն է տալիս երեխային թթվածին ստանալ, մինչև շտապօգնության տեղ հասնելը:
Հատկանշական է, որ գրիչի ծայրը կրծել սիրող մի շարք մեծահասակներ ևս փրկվել են այդ անցքի շնորհիվ:
«BIC»-ի նորամուծությունն օրինակ է ծառայել նաև գրիչներ արտադրող այլ ընկերությունների համար, իսկ Չափորոշիչների բրիտանական ինստիտուտն այն մտցրել է գրիչների արտադրության պարտադիր պայմանների մեջ: