Իրանի Կարմիր մահիկի կազմակերպությունը РИА Новости-ին հայտնել է, որ երկրում տեղի ունեցած ուժգին երկրաշարժի զոհերի թիվը գերազանցել է 350-ը: Վիրավորների թիվը հասել է շուրջ 4 հազարի: Աղբյուրի հաղորդմամբ, սակայն, այդ թվերը կարող են ավելանալ:
Իրաքում երկրաշարժի հետևանքով զոհվել է 8 մարդ, վիրավորների թիվը հասել է 425-ի:
Հիշեցնենք, որ 7.2 մագնիտուդ ուժգնությամբ ավերիչ երկրաշարժը տեղի է ունեցել Իրանի և Իրաքի սահմանին: Ցնցումներն զգացվել են նաև Հայաստանում, Քուվեյթում, ԱՄԷ-ում, Իսրայելում և Ադրբեջանում: