ՀՀ նախագահ Սերժ Սարգսյանն այսօր ներկա է գտնվել Քննչական կոմիտեի կոլեգիայի նիստին՝ նվիրված Քննչական կոմիտեի ծառայողի օրվան և կառույցի կազմավորման երրորդ տարեդարձին:
Ի թիվ այլ հարցերի՝ նա անդրադարձել է նաև իրավապահ
ոլորտում առկա անելիքներին ու նշել, որ դրանք շատ են:
«Վերջին ամիսներին տարբեր
մարզերում, ինչպես նաև մայրաքաղաքի
կենտրոնում տեղի ունեցած աղմկահարույց դեպքերը վկայում են դրա մասին:
Կասկածից վեր է, որ այս գործերով պետք է իրականացվի մանրակրկիտ, համակողմանի և անաչառ քննություն՝ կատարվածի բոլոր մանրամասները պարզելու, բոլոր հանգամանքները պարզելու, բոլոր մեղավորներին հայտնաբերելու և պատասխանատվության ենթարկելու համար: Ի վերջո, երկրում օրինականության վիճակը որոշվում է ոչ միայն հանցագործությունների քանակով, այլև դրանք իրավասու մարմինների կողմից բացահայտելու կարողությամբ: Հանրությունը պետք է վստահ լինի, որ Հայաստանում անօրինականության և անկարգության ցանկացած դրսևորում արագ բացահայտվելու և օրենքի ողջ ուժով անխուսափելիորեն պատժվելու է»,- ասել է ՀՀ նախագահը: