Տնտեսության և ֆինանսների հարցերով եվրոհանձնակատար Պիեռ Մոսկովիսին հայտարարել է, որ Եվրոմիությունը որպես իր անդամ ճանաչում է միայն միասնական Իսպանիան: Նրա խոսքով՝ Կատալոնիան դուրս կգա ԵՄ կազմից, երբ ձեռք բերի ցանկալի անկախությունը:
«Պատկերացնենք, որ անկախություն է ստացել, այդ պահից սկսած անկախ Կատալոնիան չի համարվի ԵՄ անդամ: Եվրոպական միությունը միայն մեկ անդամ երկիր է ճանաչում՝ Իսպանիան»,- հայտարարել է Մոսկովիսին ֆրանսիական LCI հեռուստաալիքի եթերում:
Հիշեցնենք, որ հոկտեմբերի 1-ին կայացած հանրաքվեի արդյունքներով կատալոնական իշխանությունները հայտարարեցին անկախության մասին, անկախության օգտին էր քվեարկել կատալոնացիների 90%-ը: Մադրիդը քվեարկությունն անօրինակ էր հայտարարել: