Իրադարձություններ

     ԱԺ ընդդիմադիր խմբակցության ղեկավար Նիկոլ Փաշինյանն անդրադառնալով Երևանի ավագանու ընտրությունների նախընտրական քարոզարշավին ՀՀԿ-ի համար աշխատողների ցուցակներին, կրկին բացահայտումներ հրապարակեց․ «Իմ ձեռքի տակ հետևյալ թուղթն է․ տեղամաս 4/01․ 700-ից ձայնից պակաս եկած ձայնի գումարը վերադարձնում եմ․ ՀՀԿ շտաբի պետ՝ Ա․ Ազոյան։ Ստեղ ցուցակավոր մարդկանց անուն-ազգանունները կան՝ գումարները դեմները գրած։ Օրինակ, 4/14-ի պատասխանատու Հ․ Գալստյանն ավելի քան 6 միլիոն է ստացել 600 կողմ ձայն ապահովելու համար։ 4/15 տեղամասի պատասխանատու Մ․ Շահինյանն՝ ավելի քան 6 մլն՝ 600 ձայնի համար, Հ․ Մարությանը՝ 6 մլն՝ 700 ձայնի համար և այլն։ Առանձնացվել են նաև ընտրողների խմբերն ու տակը նշված է՝ ովքեր են առաջնորդողները։ Ինչ պետք է անի քաղաքացին՝ սրանք իմանալով։ Պետք է դիմի իրավապահներին։ Բայց ստեղ էլ պրոբլեմ կա, որովհետև պազվում ա՝ Կոմիտաս 56 հասցեի տեղամասը ֆաքս է ստացել ոստիկանությունից, որտեղ գրված է՝ ՊՊԾ գնդի որ ծառայողը քանի ձայն է ապահովելու ՀՀԿ-ի համար»,- հավելեց պատգամավորը։