Բրիտանական Professional Driver ամսագիրը հրապարակել է «Տարվա ավտոմեքենա» ամենամյա մրցանակաբաշխության առաջին արդյունքները: Վարձու վարորդների համար լավագույն մեքենա է ճանաչվել BMW 730Ld սեդանը: Անցյալ տարի այս անվանակարգում հաղթող էր ճանաչվել Range Rover Portfolio SDV8 արտաճանապարհային ավտոմեքենան:
Ժյուրիի կազմում 80 հոգի է, որոնց թվում են ավտոմեքենաների վարձակալության ծառայություններով զբաղվող մասնավոր ընկերությունների ղեկավարները, պրոֆեսիոնալ վարորդները և ավտոլրագրողները:
Ըստ ամսագրի ներկայացուցիչների` BMW-ն ստացել է ամենաբարձր միջին միավորը մրցանակաբաշխության պատմության մեջ: