Ինչպես արդեն հայտնել էինք, Ֆրանսիայում կործանված «Airbus A320» ինքնաթիռի երկրորդ օդաչուն՝ Անդրեաս Լուբիցը, 1.5 տարի բուժվել է հոգեբույժի մոտ: Հոգեբույժին այցելելու պատճառը օդաչուի անձնական խնդիրներն են եղել. Լուբիցի կյանքում ճգնաժամային իրավիճակ է եղել, որի պատճառը նրա՝ զուգընկերուհուց բաժանվելն է եղել:
«Դեյլի Մեյլ»-ը գրում է, որ այդ եզրահանգմանը քննիչները եկել են այն բանից հետո, երբ մոտ 4 ժամ շարունակ խուզարկել են Լուբիցի բնակարանը: Խուզարկությունից հետո հետաքննության մասնակիցները հայտնել են նաև, որ իրենք գտել են ինքնաթիռի կործանման դեպքը բացահայտելու համար «բանալին», սակայն առայժմ չեն կարող հայտնել, թե ինչի մասին է գնում խոսքը: Քննիչները միայն հայտնել են, որ այդ «կարևոր բացահայտումը» չի վերաբերում Լուբիցի՝ մահվանից առաջ թողած վերջին գրառման հետ:
Հիշեցնենք, որ ըստ «Airbus A320» ինքնաթիռի
«սև արկղերի» վերլուծության՝ ազգությամբ գերմանացի Անդրեաս Լուբիցը միտումնավոր կերպով կործանել էր օդանավը: