«Ես այնքանով եմ սորոսական, այնքան մոտ եմ սորոսականությանը, որքան Իշխան Սաղաթելյանը, օրինակ, մոտ է առողջ բանականությանը»,- այսօր՝ լրագրողների հետ ճեպազրույցում, հայտարարեց ՊԵԿ նախագահ Ռուստամ Բադասյանը։
«Կուզեի, որ Իշխան Սաղաթելյանն իրականությունը ճիշտ ընկալի, և եթե գործարարները չեն ցանկանում մասնակցել իրենց հավաքներին և որպես փաստ նշում են, որ ՊԵԿ-ի կողմից ինչ-որ գործընթացներ կան, ապա թող անկեղծ գտնվեն և իրական պատճառը նշեն, որ ուղղակի չեն ցանկանում մասնակցել»,- ասաց նա։
Հիշեցնենք, այսօր՝ անհնազանդության երթի ժամանակ, ՀՅԴ ԳՄ ներկայացուցիչ Իշխան Սաղաթելյանը հայտարարել էր, որ ՊԵԿ-ը ճնշումներ է գործադրում ընդդիմադիր շարժմանն աջակցող գործարարների նկատմամբ։
