Մեկամսյա դադարից հետո Հայաստանում վերսկսվել է բենզինի ու դիզվառելիքի գների սրընթաց աճը։
Այսօր Հայաստանի բենզալցակայաններում նկատելի է բենզինի և դիզվառելիքի գների աճ՝ 20 դրամով. այս պահին ռեգուլյար տեսակի արժեքը կազմում է 520, պրեմիումը՝ 540, սուպերը՝ 620 դրամ։ Համարժեքորեն աճել է նաև դիզվառելիքի գինը՝ կազմելով 500 դրամ մեկ լիտրի համար։
Հիշեցնենք, որ միայն վերջին երկու ամսում Հայաստանում բենզինը թանկացել է 150 դրամով, որը կազմում է նախկին արժեքի շուրջ 50%-ը: