Խնդրում ենք սպասել...
Օդնոկլասնիկի

Ի՞նչ ենք ուտում, հագնում, դիտում

Ըմպելիքների 5 տեսակ, որոնք խանգարում են նիհարելուն

19:12, շաբաթ, 24 հուլիսի, 2021 թ.
Ըմպելիքների 5 տեսակ, որոնք խանգարում են նիհարելուն

Ամերիկացի սննդաբանները նշել են 5 տեսակի ըմպելիք, որոնք վատ են անդրադառնում կազմվածքի վրա և խանգարում են նիհարելուն։ Այս մասին հայտնում է «Eat This, Not That» պարբերականը։

Սննդաբան Էշլի Նեյդերը նշել է, որ հաճախ նիհարելիս ուշադրություն է դարձվում միայն ուտելուն, սակայն շաքարի պարունակությամբ, բարձր կալորիականությամբ ըմպելիքներից հրաժարվելը նույնպես շատ կարևոր է: Այսպիսով, միայն մեկ «անմեղ» ըմպելիքը կարող է 500 կալորիա ավելացնել։
     Կազմվածքի համար վնասակար ըմպելիքների ցուցակում առաջինը հյութերն են։ Սննդաբան Կլարա Լոուսոնի խոսքով՝ դրանք շատ շաքար են պարունակում և զուրկ են օգտակար մանրաթելերից: Նա խորհուրդ է տալիս հյութի փոխարեն թարմ միրգ ուտել կամ ընտրել շաքարի նվազագույն պարունակությամբ ըմպելիքներ ու խմել կես բաժակից ոչ ավելի:
     Ալկոհոլային կոկտեյլները նույնպես վնասակար են նիհարելիս։ Սննդաբան Լինդսի Դեսոթոն խորհուրդ է տալիս կոկտեյլների փոխարեն խմել ցածր ածխաջրային գարեջուր կամ փրփրուն գինի։ Անկախ ընտրված ալկոհոլային խմիչքից, մասնագետները խորհուրդ չեն տալիս օրական 1-2 բաժակից ավելի խմել։
     Ցուցակում հայտնվել են նաև գազավորված ըմպելիքները, քանի որ դրանցում շատ շաքար է պարունակվում։ Լոուսոնը պնդում է, որ դիետիկ գազավորված ըմպելիքները նույնպես վնասակար են, և դրանք չի կարելի համարել «առողջ» ընտրություն: Դրանք ներառում են արհեստական քաղցրացնող նյութեր, որոնք ոչ միայն մեծացնում են ավելի բարձր կալորիականությամբ սննդամթերքի նկատմամբ ձգտումը, այլ հետազոտությունները ցույց են տալիս, որ կարող է խաթարվել արյան մեջ շաքարի կարգավորումը և աղիների բակտերիաների հավասարակշռությունը:
     Նրանք, ովքեր ցանկանում են նիհարել, չպետք է նաև սուրճի մեջ բարձր կալորիականությամբ սերուցք ավելացնեն: «Ավելի լավ է սուրճը վանիլային նուշի կամ վարսակի կաթով նոսրացնել»,- ասել է Նեյդերը:
     Քաղցր սպորտային ըմպելիքները հայտնվել են ցուցակի 5-րդ և վերջին տեղում. Դրանք նույնպես հարուստ են շաքարով ու կալորիաներով: Դեսոթոն խորհուրդ է տալիս նախապատվությունը տալ հասարակ ջրին, կանաչ թեյին կամ սև սուրճին, եթե մարզումն օրվա սկզբին է: Այս ըմպելիքները նպաստում են ճարպի քայքայմանը:

| | |
6641 | 0
Facebook