Միջազգային

ԱՄՆ նախկին նախագահ Դոնալդ Թրամփը կոչ է արել երկրներին բոյկոտել Twitter-ը և Facebook-ը՝ խոսքի ազատությունը սահմանափակելու համար, հաղորդում է Sputnik International գործակալությունը:
     Սպիտակ տան նախկին ղեկավարը հունիսի 9-ին հայտարարություն է հրապարակել, որում շնորհավորել է Նիգերիային Twitter-ի արգելափակման կապակցությամբ և կարծիք հայտնել, որ ավելի շատ երկրներ պետք է հետևեն այդ օրինակին:
     «Ովքե՞ր են նրանք, որ թելադրեն, թե ինչն է լավ և ինչը վատ, եթե հենց իրենք մաքուր չարիք են. ես պետք է դա անեի, երբ դեռ նախագահ էի։ Բայց Ցուկերբերգը շարունակում էր զանգահարել ինձ, ընթրիքի համար գալ Սպիտակ տուն և ասել, թե որքան լավն եմ ես»,- ասված է հայտարարության մեջ։
     Վերջում նա նշել է «2024՞»՝ ակնարկելով հնարավոր 2-րդ նախագահական ժամկետի մասին։