«Ցանկություն չունեմ մեկնաբանել առաջին նախագահի հայտարարությունները»,- ասաց ՀՀ երկրորդ նախագահ Ռոբերտ Քոչարյանը՝ անդրադառնալով Լևոն Տեր-Պետրոսյանի հոդվածների վերաբերյալ հարցին: «Ես տասը տարի եղել եմ ՀՀ նախագահ ու չի եղել որևէ առաջարկ համանախագահների կողմից, որն ընդուներ Ադրբեջանը ու մերժեր Հայաստանը: Բոլոր առաջարկներին մենք ասում էինք՝ ունենք վերապահումներ, բայց սկզբունքորեն պատրաստ ենք քննարկել, իսկ Ադրբեջանն այդ առաջարկները կտրականապես մերժում էր»: