Ամերիկյան Perseverance մարսագնացն առաջին անգամ կարողացել է թթվածին ստանալ Մարսի մթնոլորտից: Այս մասին հաղորդում է ՆԱՍԱ-ն:
Դա հնարավոր է դարձել մարսագնացի վրա տեղադրված փորձարարական սարքավորման շնորհիվ, որն ստացել է MOXIE անվանումը: Աս փորձարկումն իրականացվել է ապրիլի 20-ին: Տիեզերական կենտրոնը հայտարարել է, որ սա կարևոր առաջին քայլն է Մարսի վրա ածխաթթու գազից թթվածին ստանալու ճանապարհին: Բացի այդ, «հրթիռային վառելիքը կախված է թթվածնից, և ապագա հետազոտողները Մարսի վրա վառելիք կստանան Երկիր վերադառնալու համար»: