Միջազգային

ՆԱՏՕ-ն ուշադիր հետևում է Հայաստանում իրավիճակի զարգացմանը՝ կողմերին կոչ անելով խուսափել սրացումից և Սահմանադրության շրջանակներում խաղաղ կերպով լուծել բոլոր տարաձայնությունները, Twitter-ում գրել Է դաշինքի պաշտոնական ներկայացուցիչ Օանա Լունգեսքուն:
     «Մենք ուշադիր հետևում ենք մեր գործընկեր երկրում՝ Հայաստանում, իրադարձությունների զարգացմանը։ Կարևոր է խուսափել արտահայտություններից և գործողություններից, որոնք կարող են հետագա սրացման հանգեցնել։ Ցանկացած քաղաքական տարաձայնություն պետք է լուծվի խաղաղ և ժողովրդավարական ճանապարհով՝ ՀՀ Սահմանադրությանը համապատասխան»,- գրել է նա։
     Ավելի վաղ ԵՄ-ը ևս կոչ էր արել հանգստություն ցուցաբերել և խուսափել հռետորաբանությունից կամ գործողություններից, որոնք կարող են հանգեցնել հետագա սրացման: