ՀՀ Ազգային ժողովն այսօր առաջին ընթերցմամբ՝ 81 կողմ, 0 դեմ ձայներով ընդունեց «Հայաստանի Հանրապետության Ազգային ժողովի 2020 թվականի փետրվարի 6-ի «Սահմանադրության փոփոխությունների նախագիծը հանրաքվեի դնելու մասին» որոշումը ուժը կորցրած ճանաչելու մասին նախագիծը:
ԱԺ «Իմ քայլը» խմբակցության պատգամավոր, նախագծի համահեղինակ Սուրեն Գրիգորյանը հայտնեց, որ հանրաքվեն շարունակում է մնալ ամենաարդյունավետ ճանապարհը, սակայն, կորոնավիրուսով պայմանավորված ներկայիս վիճակը թույլ չի տալիս իրականացնել այն: