Ամերիկայի միացյալ Նահանգները մի շարք բացառություններ է անում Թեհրանի դեմ պատժամիջոցների հարցում, ինչը պայմանավորված է Իրանում կորոնավիրուսի բռնկմամբ: Այս մասին հայտարարել է ԱՄՆ-ի պետքարտուղար Մայքլ Փոմփեոն, գրում է Укринформ-ը:
Մ.Փոմփեոն Իրանին կոչ է արել լիարժեք և թափանցիկ համագործակցել միջազգային օգնության և առողջապահական կազմակերպությունների հետ:
«Միացյալ Նահանգները զգալի բացառություններ է անում Իրանի դեմ պատժամիջոցները մեղմելու համար՝ սննդի, դեղամիջոցների, բժշկական սարքավորումների և գյուղատնտեսական արտադրանքի համար»,- նշել է ԱՄՆ պաշտոնյան:
Նա շեշտել է, որ Միացյալ Նահանգները կշարունակի սերտ համագործակցել Մերձավոր Արևելքի երկրների հետ` օգնելու հաղթահարել այս մարտահրավերը: