«5-րդ ալիք» հեռուստաընկերության սեփականատեր Արմեն Թավադյանը ձերբակալվել է, տեղեկացնում է ՀՔԾ մամուլի քարտուղար Մարինա Օհանջանյանը։ Հիշեցնենք, որ Թավադյանը ՀՔԾ էր հրավիրվել Ռոբերտ Քոչարյանի աջակցի կողմից Մարտի 1-ի գործով տուժողին ցուցմունքից հրաժարվելու առաջարկ անելու գործով։ Նկատենք, որ Արմեն Թավադյանն այն մարդն է, ով հարվածել էր Վարդգես Գասպարիին:
Նույն գործով մեղադրանք է առաջադրվել նաև Վարուժան Մկրտչյանին։
ՀՀ երկրորդ նախագահ Ռոբերտ Քոչարյանի աջակից ներկայացող Վարուժան Մկրտչյանը ձերբակալվել էր դեկտեմբերի 21-ին։