Կատալոնական «Բարսելոնա»-ն գումար չունի՝ Մադրիդի «Աթլետիկո»-ի ֆրանսիացի հարձակվող Անտուան Գրիզմանի տրանսֆերի համար։ «Աթլետիկո»-ն մերժել է իսպանացիների՝ 120 մլն եվրոն մաս-մաս վճարելու առաջարկը՝ պահանջելելով միանվագ վճարում։
«Բարսելոնա»-ն, իր հերթին, փորձում է համաձայնության հասնել որևէ բանկի հետ՝ վարկ վերցնելու շուրջ։ «Բարսելոնա»-ի գործերն այնքան վատ են, որ ակումբի աշխատակիցները երեք օր ուշ են ստացել հունիսի աշխատավարձը։