Միջազգային

Ռուսական «Независимая газета» պարբերականը հոդված է հրապարակել Լեռնային Ղարաբաղի հակամարտության կարգավորման հարցով բանակցային գործընթացում վերջին զարգացումների մասին:

Հոդվածում, մասնավորապես, խոսվում է Դուշանբեում, Սանկտ Պետերբուրգում և Դավոսում Հայաստանի վարչապետի և Ադրբեջանի նախագահի միջև տեղի ունեցած հանդիպման մասին, ինչպես նաև նշվում, որ կողմերը վերջին շրջանում բանակցությունների համար առավել բարենպաստ պայմաններ ստեղծելու պատրաստակամություն են ցուցաբերում:

Պարբերականը գրում է նաև Հայաստանի հասցեին Ադրբեջանի իշխանությունների ներկայացուցիչների կողմից ռազմական հռետորաբանության նկատելի նվազեցման մասին:

«Արմատական փոփոխություններ չէի ասի, սակայն փոփոխությունները չեն նկատի միայն կույրն ու համրը»,- պարբերականը մեջբերում է Բաքվի աղբյուրներից մեկի խոսքը:

Հաղորդվում է նաև, որ Ադրբեջանում ակնհայտ նվազել է հակահայ ուղղվածությամբ հրապարակումների և հեռուստահաղորդումների թիվը: