Ֆիլիպինների Թանավանի քաղաքապետ Անտոնիո Հալիլին սպանվել է քաղաքային խորհրդի շենքում դրոշի բարձրացման արարողության ժամանակ դիպուկահարի կողմից, հաղորդում է CNN-ը:
Տեղի ոստիկանության հաղորդմամբ՝ փամփուշտը դիպել է քաղաքապետի կրծքավանդակին: Մահափորձի տեսագրությունը հայտնվել է համացանցում:
Բժիշկների խոսքով՝ Հալիլին մահացել է վնասվածք ստանալուց մեկ ժամ անց:
Հալիլին աջակցում էր նախագահ Ռոդրիգո Դուտերտեին թմրանյութերի դեմ պայքարում, որի արդյունքում թմրանյութերի վաճառքով զբաղվող հազարավոր առևտրականներ գնդակահարվեցին ոստիկանության կողմից: