Ֆրանսիայի ազգային հավաքականի և Լոնդոնի «Չելսի»-ի կիսապաշտպան Նգոլո Կանտեն բաց կթողնի մոտ 3 շաբաթ: Ֆուտբոլիստը վնասվածք է ստացել աշխարհի առաջնության ընտրական փուլի՝ Բուլղարիայի դեմ հանդիպման ընթացքում: Կանտեն, հավանաբար, բաց կթողնի ընտրական փուլի վերջին՝ Բելառուսի դեմ հանդիպումը: Բացի այդ, նա չի մասնակցի Անգլիայի առաջնության՝ «Քրիսթալ Փելս»-ի դեմ, ինչպես նաև Չեմպիոնների լիգայի խաղարկության՝ «Ռոմա»-ի դեմ հանդիպումները: Նշենք, որ ընթացիկ մրցաշրջանում Կանտեն լոնդոնյան ակումբի կազմում մասնակցել է 7 խաղի՝ հեղինակելով 1 գնդակ: