Չինաստանի հարավում գտնվող Սիչուան նահանգում 5,5 մագնիտուդ ուժգնությամբ երկրաշարժ է տեղի ունեցել, հաղորդում է Reuters-ը:
ԱՄՆ-ի սեյսմոլոգների տվյալներով՝ ստորգետնյա ցնցումները գրանցվել են Գուանյուանից 75 կմ հեռավորության վրա: Երկրաշարժը գրանցվել է քաղաքի լեռնային հատվածում: Նշվում է, որ երկրաշարժի օջախը գտնվել է 10 կմ խորության վրա:
Տվյալ պահին երկրաշարժի հետևանքով զոհերի կամ փլուզումների մասին տեղեկություններ չկան:
Հիշեցնենք, որ օգոստոսին երկրի հարավ-արևմուտքում տեղի ունեցած երկրաշարժի հետևանքով 20 մարդ զոհվել, վիրավորվեցին ավելի քան 500-ը: