ԱՄՆ նախագահ Դոնալդ Թրամփը մտադիր է 10 տարվա ընթացքում 3.6 տրիլիոն դոլարով կրճատել պետական ծախսերը: Այս մասին հայտնում է Reuters-ը` հղում անելով ԱՄՆ բյուջեի նախագծին:
Բյուջեի նախագծով` ԱՄՆ վարչակազմը մտադիր է կրճատել նաև բժշկական ապահովագրական ծախսերը` մոտ 800 միլիարդ դոլարով:
Խնայած միջոցները կուղղվեն երկրում ենթակառուցվածքային ծրագրերում ներդրումների խթանմանը, նաև Մեքսիկայի սահմանին պատի կառուցմանը: