Ֆիլիպիններում անհայտ անձինք գնդակահարել են գեղեցկության մրցույթի հաղթող, 23-ամյա Մարի Քրիստին Բալագտասին: Երիտասարդ աղջիկը սպանվել է իր տանը: Այս մասին հայտնում է «Դեյլի Մեյլ»-ը:
Պարբերականը հաղորդում է, որ Բալագտասը բացել է տան դուռը և կրակոց է ստացել գլխին: Դեպքից հետո 2 տղամարդիկ դիմել են փախուստի: Ականատեսները պատմել են, որ հանցագործները կրկոցից առաջ աղջկան շոկոլադ ու ծաղիկներ էին տարել:
Իրավապահները սպանության մեջ կասկածում են գեղեցկուհու ընկերոջը, ում նկատմամբ այժմ հետախուզում է հայտարարվել:
Նշենք, որ ֆիլիպինուհի Մարի Քրիստին Բալագտասին գեղեցկության մրցույթի հաղթող է ճանաչվել 2 անգամ՝ 2009 և 2010 թվականներին: