Միջազգային

Համաձայն Credit Suisse կազմակերպության հերթական Global Wealth Report հաշվետվության` Ռուսաստանը գլխավորում է ամենաանհամաչափ երկրների վարկանիշը:
     Համաձայն հաշվետվության` Ռուսաստանում բնակչության 1%-ին բաժին է հասնում երկրի ողջ ունեցվածքի 74.5%-ը:
     Այդ վարկանիշում 2-րդը Հնդկաստանն է, որտեղ երկրի հարստության 58.4%-ն է կենտրոնացած բնակչության 1%-ի ձեռքում: 3-րդը Թայլանդն է` 58%-ով:
     1-ին 10-յակում են նաև Ինդոնեզիան` 49.3%, Բրազիլիան` 47.9%, Չինաստանը` 43.8%, Միացյալ Նահանգները` 42.1%, Հարավաֆրիկյան Հանրապետությունը` 41.9% և Մեքսիկան` 38.2%:
     Ուսումնասիրելով հաշվետվությունը` կարելի է ենթադրել, որ ունեցվածքային անհավասարությունը լուրջ խնդիր է մեր մոլորակի ամեն մի անկյունում:
     Ըստ հաշվետվության ` համաշխարհային ընդհանուր ունեցվածքի ընդամենը 1%-ն է կենտրոնացած Երկիր մոլորակի ողջ աղքատ բնակչության ձեռքին, այն դեպքում, երբ աշխարհի հարուստների 10%-ի ձեռքում է կենտրոնացած համաշխարհային ընդհանուր ունեցվածքի 89%-ն, իսկ ամենահարուստ մարդկանց 1%-ի ձեռքում է համաշխարհային բոլոր ակտիվների ուղիղ կեսը:
     Համաձայն հաշվետվության` Շվեյցարիան հերթական անգամ ճանաչվել է աշխարհի ամենահարուստ պետությունը` բնակչության 1 շնչի համար, իսկ ԱՄՆ-ը և Ճապոնիան դարձել են բարեկեցության բարելավման առաջատարները: