Էրոս Ռամազոտին չեղյալ է հայտարարել համերգները ՌԴ-ում, Էստոնիայում և Հայաստանում, որը տեղի էր ունենալու Perfetto համերգային շրջագայությունների շրջանակում, այս մասին tass-ին հայտնել են համերգաշրջանի պրոդյուսերները (Trident Music Srl ընկերություն):
«Պրոդյուսերական ընկերությունը խորապես ցավում է, որ Բելառուսում մարտի 26-ին տեղի ունեցած համերգից հետո ստիպված է հայտարարել շրջագայության դադարի մասին` ՌԴ-ում, ՀՀ-ում և Էստոնիայում. պատճառը` կազմակերպիչ, ռուսական Global Communications ընկերության` պայմանագրային կետերի խախտումն է»,- նշված է հայտարարության տեքստում:
Նշենք, որ Ռամազոտիի երևանյան համերգը նախատեսված էր ապրիլի 26-ին: Վերոնշյալի վերաբերյալ հայկական կողմից դեռ արձագանք չկա: