Մեդալի հակառակ կողմը. ինչ գին են վճարում բալետի պարուհիները կատարելության հասնելու համար
 Բալետային ներկայացման ժամանակ հետևելով պարողների ու պարուհիների հեզաճկուն շարժումներին, մարմնի անհավանական ճկունությանն ու թեթևությանը՝ թվում է, թե այդ ամենն այնքան հեշտ է տրվում նրանց: Սակայն դա միայն մեդալի պսպղուն երեսն է, այնինչ դարձերեսին պարողների ու պարուհիների անհավանական չարչարանքներն են, զրկանքներն ու ցավը:   Բալետի պարողների օրն սկսվում և ավարտվում է ձգումներով:    Բալետի պարողների միջավայրում նյարդային խանգարումներն ու նոպաները ևս սովորական երևույթներ են: Բալետի պարուհին պետք է խստորեն հետևի իր սննդակարգին: Ամեն մի կերած համեղ պատառը կարող է անդրադառնալ կառուցվածքի վրա, իսկ ամենօրյա կշռումները ջրի երես կհանեն ցանկացած «զանցանքը»: Այդ է պատճառը, որ շատ պարուհիներ ուտելուց հետո շտապում են զուգարան՝ փսխման ռեֆլեքսներ առաջացնելու համար: Ամեն մի պարուհի, ով երազում է բալետի մեծ բեմ բարձրանալ, պետք է կարողանա «մեջտեղից ծալվել», այլապես կհայտնվի փակ դռների ետևում:    Ահա թե ինչու երեխաներին բալետի դպրոց տանելուց առաջ պետք է ծանրակշիռ մտածել՝ կարո՞ղ է կամ պե՞տք է արդյոք ձեր երեխան դիմանա այս ամենին: Չէ որ բալետը հերթական զբաղմունք չէ, ոչ էլ հոբբի, այն ապրելու ոճ է: |
