Երրորդ աշխարհի երկրներում նորածին երեխաները մահանում են ջրի պակասից
 Երրորդ աշխարհի երկրներում խմելու ջրի խնդիրն այնքան սուր է, որ այն կարելի է համարել բնության կողմից իրականացվող ցեղասպանություն: Տանզանիայում, Մալավիում, Եթովպիայում, Մադագասկարում և մի շարք այլ երկրներում հակասանիտարությունը հանգեցնում է ջրերի աղտոտման, որն էլ հետո դառնում է համաճարակների պատճառ: Ամենից ծանր վիճակում են հայտնվում նոր ծննդաբերած կանայք ու երեխաները: Water Aid բարեգործական ընկերությունը Deliver Life նախաձեռնության շրջանակներում մինչև փետրվարի 10-ն անց է կացնում դրամահավաք՝ այդ երկրների մոտ 130 հազար ընտանիքների խմելու ջրի պակասը թեթևացնելու համար: Դրամահավաքի վերջնական գումարը կկրկնապատկվի Միացյալ Թագավորության կողմից: Ջրի պակասի առաջացրած դժվարությունների մասին է պատմում տանզանիացի մանկաբարձ Դենիելը:   Մահացած երեխայի մայրն ու տատիկը Նման պայմաններում այդ ծննդատունն ընդունում է ամսական 90 ծնունդ: Շատերը մահանում են հիգիենայի բացակայության պատճառով: Ծննդատան լոգասենյակն ընդամենն առանց տանիքի, կեղտոտ պատերով ու կեղտոտ ծորակով փոքրիկ տարածք է, որի դռան փոխարեն կախված են հաճախորդների հագուստները: Ծննդկանների համար հիմնականում ջուր են բերում հարազատները տարածքի միակ աղբյուրից, որի ջուրը շատ թե քիչ պիտանի է օգտագործման համար: Դրանից օգտվում է տարածքի 2000 բնակչությունը և դրա դիմաց մշտական հերթեր են:  Այստեղ խմելու ջուրն իրենց ուսերին տուն են հասցնում բոլոր կանայք՝ անկախ կարգավիճակից: Օրինակ, Իչնան, ով հղիության 8-րդ ամսում է, անանցանելի ճանապարհով ամեն օր գնում է մոտակա գետն ու 20 լիտրանոց ջրի տարան ուսին գյուղ է վերադառնում:    Այսօր խմելու մաքուր ջուրն օրհասական խնդիր է աշխարհի 37 երկրների համար, սակայն խնդիրը ժամանակին չլուծելու դեպքում այն կարող է դառնալ ամբողջ մոլորակի խնդիրը:   |
