ԴԱԻՇ ահաբեկչական շարժման ահաբեկիչները նոր տեսանյութ են հրապարակել համացանցում: 22 րոպեանոց տեսանյութում ցուցադրվում է, թե ինչպես են ահաբեկիչները նախապատրաստվում Յեմենում իրականացվելիք հարձակումներից մեկին: Փետրվարի 3-ին հրապարակած տեսանյութի մեծ մասը ռազմական գործողությունների կադրեր են, պայթյուններ ու կրակոցներ, ինչպես նաև՝ ավարի ցուցադրություն: Տեսանյութում պատկերված է նաև 4 գերիների գլխատումը, նրանց ինքնությունը հայտնի չէ:
Հիշեցնենք, որ ԴԱԻՇ ահաբեկիչները դաժանորեն են վարվում նաև իրենց կողմնակիցների հանդեպ: Միայն հունվարին նրանք 2 անգամ հրապարակային մահապատիժ են կազմակերպել՝ գլխատելով դասալիքներին: