«Խնդիրները ձևակերպված են, պահանջները երեքն են ու երիտասարդների կողմից մտքերի համախմբում է տեղի ունենում, փորձելու ենք նոր առաջարկներ ներկայացնել ժողովրդին ու ստանալ հավանություն»,- լրագրողների հետ զրույցում Բաղրամյան պողոտայում ասաց «Ժառանգության» մամուլի խոսնակ Դավիթ Սանասարյանը:
«Ոլորտային բաժանումներ են տեղի ունեցել ու բացի կազմակերպչական հարցերից, խմբեր են ստեղծվել, որ պետք է առաջարկներ ներկայացնեն: Ամենակարևորն է, որ զգուշանանք սադրողներից»,- ասաց նա
Սանասարյանի խոսքով` նախաձեռնությունը նոր է, ընդգրկված են այն քաղաքացիները, ովքեր տարբեր նախաձեռնությունների են մասնակցել ու նրանք, ովքեր ոստիկանան ճնշումներին դիմադրել են:
«Ես կուսակցության անդամ եմ, բայց թույլ չեմ տալու, որ ինչ-որ մեկը կուսակցական հարց տանի առաջ, կուսակցական շահեր բախվեն, մենք երեք կետի շուրջ ենք համախմբվելու»,- եզրափակեց նա: