Ըստ շրջանառվող լուրերի` Երևանի պետական տնտեսագիտական համալսարանի Գյումրու մասնաճյուղում պետական ավարտական քննություններին հանձնաժողովների նախագահներ չեն մասնակցել, ինչը իրարանցում է առաջացրել ուսանողների շրջանում:
ՄԱՄՈՒԼ.am-ի թղթակիցը ԿԳՆ-ից փորձեց ճշտել` որքանո՞վ է ստույգ այդ տեղեկությունը: Հասարակայնության հետ կապերի և տեղեկատվության վարչության պետ Արթուր Բաղդասարյանը մեզ հետ զրույցում նշեց, որ նման տեղեկություն իրենք էլ ունեն և այժմ ուսումնասիրություն է կատարվում` պարզելու մանրամասները: Իսկապե՞ս հանձնաժողովի նախագահներից մեկը Թոքմաջյանի փեսան է, ինչպես շրջանառվող լուրերում է նշվում, Բաղդասարյանն ասաց, որ այդ հարցին այժմ չի կարող պատասխանել, քանի դեռ հստակեցված չէ: «Երբ ուսումնասիրվի ամեն ինչ, այդ մասին կտեղեկացնենք ԶԼՄ-ներին կամ կտեղադրենք հայտարարություն` ԿԳՆ-ի պաշտոնական կայքում»: