Ամբողջ աշխարհում քաղցից տանջվող բնակչության թիվն ուսումնասիրությունների պատմության ընթացքում առաջին անգամ նվազել է 800 միլիոնից: Այս մասին ասվում է ՄԱԿ ամենամյա հաշվետվության մեջ: Նշենք, որ ՄԱԿ արդյունաբերական և գյուղատնտեսական կազմակերպությունն արդեն 25 տարի է՝ նման դիտարկումներ է անցկացնում:
Կազմակերպության տվյալներով՝ այժմ սովահար բնակչության թիվն աշխարհում կազմում է շուրջ 795 միլիոն: Դա նշանակում է, որ մեր մոլորակի ամեն 9-րդ բնակիչը քաղցած է:
2012թ. այդ թիվը կազմել է 870 միլիոն մարդ: 25 տարվա ընթացքում սովյալների թիվը կրճատվել է 216 միլիոնով: