Բնապահպան, ակտիվիստ Թեհիմե Ենոքյանը Ֆեյսբուքում գրել է.
Նախկին կոռումպացված կառավարութունը 10 տարի շարունակ Ջերմուկ քաղաքը ազդակիր համայնք չճանաչելով` Լիդիան Արմենիայի համար ստեղծել է նպաստավոր պայմաններ շրջանցելու ջրային ռեսուրսների վրա ազդեցության պատշաճ գնահատումը և համայնքի կարծիքը օրենքով նախատեսված հանրային լսման տեսքով ամրագրումը: 2013-ին Տիկին Վիկտորիան դիմեց կառավարությանը ազդակիր ճանաչվելու պահանջով, սակայն անգամ ՀՀ Վարչական դատարանը չլսեց նրա բողոքը:
2016 թվականին միայն ազդակիր ճանաչեցին, սակայն Ջերմուկում հանրային լսում չանցկացրեցին: Ջերմուկում պատշաճ ուսումնասիրված չեն ստորգետնյա և մակերևութային ջրերը:
Ուսումնասիրված չէ 20 կմ Որոտան-Արփա թունելը և դրանով հոսող ջրերը դեպի Սևան:
Գեղարքունիքը նույնպես ազդակիր համայնք չի ճանաչվել: