ԱՄՆ նախագահ Դոնալդ Թրամփը պատմել է Հյուսիսային Կորեայի առաջնորդ Կիմ Չեն Ինի հետ հանդիպման 5 հնարավոր վայրի մասին, հաղորդում է CNN-ը:
Սպիտակ տան ղեկավարը հույս է հայտնել, որ հանդիպումը կարող է կայանալ հունիսի սկզբին:
«Շուտով հանդիպում կունենամ Կիմ Չեն Ինի հետ: Դա, հավանաբար, տեղի կունենա հունիսի սկզբին կամ փոքր ինչ շուտ՝ կախված նրանից, թե ինչպես գործերը կընթանան: Հնարավոր է, որ ոչ այդքան լավ ընթանան, և հանդիպումներ չլինեն»,- ասել է Թրամփը:
ԱՄՆ նախագահն ընդգծել է, որ հանդիպումը կարող է կայանալ այդ 5 վայրերից մեկում, սակայն չի նշել այդ վայրերը:
Ավելի վաղ Կիմ Չեն Ինը նման հանդիպում անցկացնելու պատրաստակամություն էր հայտնել:
Նշենք, որ Հյուսիսային և Հարավային Կորեաները մոտ ժամանակները մտադիր են հաշտության պայմանագիր կնքել: