Վարորդներից ոմանք պահանջում են բացել ճանապարհը` վիրավորելով ուսանողներին: Վերջինները չեն արձագանքում` միմյանց հորդորելով կռվի չբռնվել: Դեպի բժշկական համալասարան տանող ճանապարհը փակ է այս պահին: Ուսանողները վազքով փակում են մեքենաների ճանապարհը, հետևից շարելով աղբամաններ:
Որոշ վարորդներ հայհոյում են ցուցարարներին:
«88-ին էլ փակիք, ի՞նչ փոխվեց»,- բղավեց նրանցից մեկը: Ուսանողները հակադարձեցին` «չփոխվեց, դրա համար էստեղ ենք»:
Վարորդներից մեկը, ով մեքենան կանգնեցրել էր փողոցի մեջտեղում և միացել ցուցարարներին, ոստիկանների պահանջով լքեց տարածքը:
Նրանք փորձում են ուժով հեռացնել նաև ուսանողներին:
Վերջինները վանկարկում են` «ազատ, անկախ ուսանող», «դուրս արի´ փողոց»: