Գաբրիել Սունդուկյանի անվան ազգային ակադեմիական թատրոնի «Մշակութային կանգառ»-ն օրերս Վանաձորի Հովհաննես Աբելյանի անվան պետական դրամատիկական թատրոնում էր՝ Հրաչ Բեգլարյանի «Արծվաբույն» ներկայացումով։
Վանաձորցի հանդիսատեսը սիրով և ջերմությամբ ընդունեց թատերախմբին և ներկայացումը:
Բեմադրության հեղինակը երիտասարդ ռեժիսոր
Դավիթ Հարությունյանն է: Ներկայացման գործողությունները տեղի են ունենում Արցախում: Ռեժիսորի դիտարկմամբ` բեմադրությունը մի քիչ ուշացած է, քանի որ արցախյան թեմայով գործեր պետք է ավելի վաղ բեմադրվեին:
Ներկայացումը զուրկ է ողբից ու արցունքոտ տեսարաններից: Ինչպես նշում է ռեժիսորը` բեմադրությունը ցույց է տալիս այն միասնական ուժը, որով առաջնորդվել ու հաղթել ենք:
Սունդուկյան թատրոնի հաջորդ «կանգառը» նախատեսված է Գյումրու Վարդան Աճեմյան թատրոնում ՝ դեկտեմբերի 9-ին։