Իրաքյան Քուրդիստանի Գերագույն ընտրական խորհուրդը հրապարակել է սեպտեմբերի 25-ին անցկացված անկախության հանրաքվեի վերջնական արդյունքները:
Քուրդիստանի անկախությանն «Այո» է ասել քվեարկությանը մասնակցածների 92.73%-ը: «Ոչ» է քվեարկել ընտրողների 7.2%-ը: Հանրաքվեին մասնակցել է քվեարկության իրավունք ունեցող քաղաքացիների 72%-ը:
Պաշտոնական Բաղդադն Իրաքյան Քուրդիստանին վերջնագիր է ներկայացրել, ըստ որի այն պարտավոր է երեք օրվա ընթացքում Բաղդադի կառավարմանը հանձնել բոլոր սահմանային անցակետերն ու օդանավակայանները։
Թուրքիան սպառնացել է պատժամիջոցներ սահմանել ու սովի մատնել Իրաքյան Քուրդիստանը: