Մկրտիչ Արզումանյանն, ով այսօր ծննդյան առթիվ առաջին շնորհավորանքն ստացել է կնոջից, դարձավ 41 տարեկան:
Դերասանն օրը կանցկացնի աշխատանքային միջավայրում: «Շատ զբաղված եմ, աշխատանքային, նախատեսած ոչինչ չկա, հնարավոր է՝ օրվա կեսից պլանները փոխվեն, բայց գերծանրաբեռնված եմ, միգուցե չհասցնենք»,-
MAMUL.am լրատվականի թղթակցի հետ զրույցում ասաց Մկոն: Վերջինը հավելեց՝ սիրում է ծննդյան օրը, չնայած նրան, որ այդ օրը միշտ զբաղված է լինում:
Խոսելով առաջիկա նախագծերից՝ նշեց. ««Ֆուլ Հաուս»-ի 7-րդ եթերաշրջանն է սկսվում. մի դերով հանդես եմ գալու: Եվս երկու նոր նախագծի վրա եմ աշխատում, հնարավոր է՝ գարնանը կամ մի քիչ ավելի ուշ լինեն, թատերական ներկայացումներ են»,- եզրափակեց նա: