«Վենեսուելական քրեական ֆորում» ոչ կառավարական կազմակերպության ղեկավարության հրապարակած տվյալների համաձայն` երկրում շարունակվող ցույցերի և դրանց հետ կապված կողոպուտների հետևանքով ընթացիկ տարվա ապրիլի 1-ից ի վեր զոհերի թիվը հասել է 92-ի:
Նշվում է, որ զոհերի մեծ մասը ցուցարարներ են, որ մահացել են կա՛մ անվտանգության ուժերի, կա՛մ էլ` ռազմականացված կառավարական խմբավորումների գործողությունների հետևանքով:
Վենեսուելայում բողոքի ցույցերը չեն դադարում արդեն 3 ամիս: Դրանց պատճառը Գերագույն դատարանի որոշումն է, որով սահմանափակվել է Ազգային համաժողով ընդդիմադիր շարժման իշխանությունը: