Չեմպիոնների լիգայի որակավորման 1-ին փուլում «Ալաշկերտ»-ը սեփական հարկի տակ ընդունելու է Անդորայի չեմպիոն «Սանտա Կոլոմա»-ին։ Հանդիպմանն ընդառաջ տեղի ունեցավ «Ալաշկերտ»-ի գլխավոր մարզիչ Աբրահամ Խաշմանյանի մամուլի ասուլիսը:
«Մենք գիտենք այս թիմին՝ անցած տարվա խաղերից: Կարելի է ասել՝ վաղը խաղալու ենք Անդորրայի հավաքականի հետ: Բարդ հանդիպում է սպասվում: Մենք, ինչպես միշտ, մարտական ենք տրամադրված։ Կաշխատենք ուրախացնել մեր երկրպագուներին: Մեր նպատակը հաղթելն ու հաջորդ փուլ անցնելն է»,- Խաշմանյանի խոսքերն է փոխանցում MAMUL.am-ի թղթակիցը: