Հետաքրքիր է

Երգչուհի Մեգան Լինսին, ով հայտնի է դարձել ամերիկյան «Ձայնը» հեռուստանախագծի շնորհիվ, այս ձմեռ ավելի քան մեկ ամիս անհետացել էր տեսադաշտից: Որոշ ժամանակ անց նա բացահայտել է, թե ինչու էր ընդհատակ անցել: Մի օր առավոտյան նա արթնացել է ուժգին ցավից: Նրա այտն այնպես է ցավել, կարծես այրվելիս լինի: Երբ նա ձեռքը տարել է դեպի այտն ու ետ քաշել, ափի մեջ գտել է սատկած սարդի: Ու թեև սարդերի մեծ մասի թույնը վտանգավոր չէ մարդու համար, այնուամենայնիվ, Մեգանին բաժին է ընկած եղել բավականին վտանգավոր սարդ՝ դարչնագույն սարդ-ճգնավորը:

Նրա կծոցից աղջկա դեմքի մաշկն արագորեն սկսել է քայքայվել, անգամ շտապ բժշկի դիմելը չի փրկել նրա ձախ այտը:

Աղջիկն ստիպված է եղել բազմաթիվ բժշկական միջամտությունների ենթարկվել՝ դեմքի մաշկը վերականգնելու համար: