Հետաքրքիր է

Սովորական Boeing 787-ը կարող է տեղավորել 240-353 ուղևորի, բայց ոչ Boeing 787 VVIP-ը: Այն նախատեսված է միայն 30 մարդու համար: Այն չի թռչում չարտերային չվերթներով, այլ տրվում է վարձով՝ ժամում 24 հազար դոլար գումարով: Այսինքն, Լոնդոնից մինչև Նյու Յորք այս ինքնաթիռով թռչելը կարժենա մոտ 206 հազար դոլար: Ներսի կահավորմամբ այն նման է շքեղ փենթհաուսի և անգամ ԱՄՆ-ի նախագահի ինքնաթիռի շքեղությունն է խամրում նրա կողքին:

Ինքնաթիռի երջանիկ ուղևորների տրամադրության տակ է 700 քառակուսի մետր տարածք՝ խորհրդակցությունների դահլիճով, 7 առանձնացված ննջարաններով, մի քանի լոգասենյակներով, ճաշասրահով: Ամեն ինչ կահավորված է ամենաթանկարժեք նյութերով, լոգասենյակներն ամբողջովին մարմարապատ են, հատակին՝ ձեռագործ գորգեր, սեղանն՝ ամբողջական կաղնուց: Պատուհանները սովորականից առավել խոշոր են, իսկ սպասարկող անձնակազմը հագած է դիզայներական զգեստներ: Բացի այս ամենն, ամեն մի սենյակ ունի առանձին ձայնամեկուսիչ հարմարանք:

Այս ինքնաթիռը՝ Dream Jet-ն, առանց վերալիցքավորման կարող է թռչել 17 ժամ, այն հաճախ են պատվիրում Լոնդոն-Պեկին, Հոնկոնգ-Լոս-Անջելես ուղղությունններով, այն նաև հաճախ վայրէջք է կատարում Բորա-Բորա հայտնի լողափում: