Հետաքրքիր է

Հնդկուհի Չահաթ Կումարն ընդամենն 8 ամսական է, սակայն արդեն կշռում է 17 կգ՝ 4 տարեկան երեխաների միջին քաշի չափ: Եվ մինչ բժիշկներն անհանգստանում են երեխայի անառողջ ախորժակի համար, նրա ծնողներն ամեն ինչի համար մեղադրում են Աստծուն: Ավելորդ քաշի պատճառով աղջնակն անգամ չի կարողանում նորմալ շնչել ու քնել: Ի թիվս այս ամենի՝ նա ունի արտասովոր հաստ մաշկ, ինչը դժվարացնում է արյան անալիզներ վերցնելն, իսկ ծնողները գումար չունեն ավելի լավ բժշկի այեցլելու:

Չահաթն անդադար քաղցած է ու օր օրի վրա քաշ է հավաքում: Նա ուտում է այնքան, որքան 10 տարեկան երեխան, իսկ երբ ուտելիք չեն տալիս, լալիս է: Այնինչ նա ծնվել է նորմալ քաշով ու խնդիրներ ի հայտ են եկել միայն 4-րդ ամսից սկսած:

Ծնողներն, ովքեր արդեն կորցրել են իրենց առաջնեկին, այժմ շատ են անհանգստանում երկրորդ երեխայի առողջության համար, բայց առայժմ ոչ ոք նրանց օգնել չի կարողանում: