Ապրիլյան պատերազմի ժամանակ զոհված Տիգրան Բերակչյանն այսօր կդառնար 20 տարեկան
13:30, չորեքշաբթի, 22 մարտի, 2017 թ.
Այսօր ապրիլյան պատերազմի ժամանակ զոհված Տիգրան Բերակչյանի ծննդյան օրն է: Նա կդառնար 20 տարեկան: Տիգրանը զոհվել է ապրիլի 2-ին Ջրականում (Ջաբրայիլում) ռազմական գործողությունների ժամանակ: Ըստ բժշկական փորձաքննության՝ Տիգրանը պայթյունաբեկորային և հրազենային վնասվածքներ է ստացել պարանոցի և ոտքի հատվածում։ Տիգրան Բերակչյանը հետմահու պարգևատրվել է «Մարտական ծառայության» և «Արիության» շքանշաններով։